Zero Point Five gehéiere säit laangem zu de beléiftsten Escher Bands. Mat hirer Serie vu Concerten zu a ronderëm Esch kuerz nom Lockdown 2020, hunn si de Leit nees Freed a Musek an hiert Liewe bruecht. Fir Zero Point Five ass „hir Stad“ och scho säit laangem Kulturhaaptstad, a net just 2022. Och soss, sinn si ëmmer bereet fir déi eng oder aner Bün zu Esch onsécher ze maachen. „Mär hoffen dass mär an Zukunft erëm vill Shows zu Esch kënne spillen, an d’Leit kommen, a Spaass hunn a mär zesumme kënne feieren a glécklech sinn.“
An eisem Video erzielen den Dan, de Kiko, de Gilles an de Chris wéi hir Band entstanen ass, wat si fir Musek maachen, a firwat Esch an de Minett fir si och musikalesch eng ganz wichteg Roll spillen.
